Spurt og svarað

10. janúar 2007

Hydroxycut brennslutöflur og brjóstagjöf

Sæl!

Mig langar til að vita hvort það sé skaðlegt fyrir barnið ef tek Hydroxycut brennslutöflur. Dóttir mín er tæplega 2 mánaða og er eingöngu á brjósti. Ég er byrjuð í ræktinni og vantar samt eitthvað spark í rassinn á brettinu.

Takk fyrir frábæran vef.

Kveðja, Tinna.

 


 

Sæl og blessuð Tinna.

Það er gott að þú ert byrjuð í ræktinni en það væri líka ágætt ef þú létir það duga í bili. Það er reyndar erfitt að ráðleggja varðandi inntöku efna sem ekki er mikil reynsla af eða vel rannsökuð. Ég veit að það eru gefnar upp rannsóknir um þetta á netinu en þar er oft á tíðum á ferðinni mikil auglýsingamennska og ber að taka upplýsingunum af varúð. Þar er ekki alltaf allt sem sýnist. ú er ég ekki endilega að mæla gegn þessu efni en samkvæmt þeim upplýsingum sem ég hef getað aflað mér er á ferðinni efni sem örvar efnaskipti og það er nokkuð sem er ekki æskilegt í brjóstagjöf. Við það geta tapast efni sem eru mikilvæg barninu.

Þannig að ég mæli með að þú bíðir með svona efni a.m.k. fyrstu 6 mánuðina.

Gangi þér vel.  

Kveðja,

Katrín Edda Magnúsdóttir,
ljósmóðir og brjóstagjafaráðgjafi,
10. janúar 2007.

Leitarorð: fitubrennslutöflur, fitubrennsla





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.