Spurt og svarað

20. september 2009

Jurtalyf fyrir brjóstabörn

Sælar!

Mig langar að heyra hvað ykkur finnst um að gefa ungu brjóstabarni Skírni dropa (úr Jurtaapótekinu) við miklum loftsperringi og óþægindum. Droparnir innihalda kamillu (róandi), fennell (vindlosandi) og piparmyntu (verkjastillandi). Gæti þetta haft áhrif á ónæmiskerfið til lengri tíma litið?

Með kveðju og þökk fyrir góðan vef.

 


Sæl og blessuð!

Ég álít að maður eigi að forðast að setja svo mikið sem einn dropa af einhverju öðru en brjóstamjólk ofan í ungbörn fram að 6 mánaða aldri. Margt bendir til að það sé aðeins til óþurftar og þá sérstaklega fyrir ónæmiskerfið. Þetta er því mjög skiljanleg spurning og svarið verður að vera já, það getur haft áhrif. Hins vegar er verið að gefa börnum ýmislegt á fyrstu mánuðunum stundum vegna nauðsynar og stundum að óþarfa. Þá verður fólk að eiga við sig sjálft hvað það vill gera. Það er mjög skiljanlegt ef barn er óvært að foreldrar vilji reyna ýmislegt til að laga ástandið. Ég tel að fólk eigi að fara eftir eigin sannfæringu þegar það hefur kynnt sér allar hliðar málsins.

Með bestu kveðjum.
Katrín Edda Magnúsdóttir,
ljósmóðir og brjóstagjafaráðgjafi,
20. september 2009.





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.