Spurt og svarað

16. desember 2007

Kannski hanski?

Sælar!

Barnið mitt 3½ mána'a, hefur verið í „snuddubanni“ undanfarinn mánuð og það gengið nokkuð vel og hún farin að þyngjast betur. Nú hefur hún uppgötvað á sér þumalinn og finnst það voðalegt sport. Er í lagi að hafa hana í hanska meirihluta dags? Eða er ég með því að tefja/hindra þroska hennar og not fyrir hendur? Gjafamynstrið breytist mjög mikið til hins verra ef að ég læt hana vera með snuð. Þá líður mjög langt á milli þess að hún vilji taka brjóstið og verður þá æðibunugangurinn svo mikill að hún gleypir loft og ærslast, hættir oft við og verður mjög pirruð. En brjóstagjöfin hefur verið frekar erfið sökum veikinda hennar, hún tekur helst vel á næturnar og þegar hún er nývöknuð af daglúrum.

Kærar þakkir fyrir ótrúlega hjálpsaman vef!

Þumalínumamma.


Sæl og blessuð Þumalínumamma.

Ég sé ekkert athugavert við það að setja hana í vettlinga þegar hún er orðin svona gömul. Ég get heldur ekki ímyndað mér að hún verði „alltaf“ í vettlingum. Það er svo annað mál hvort þetta komi til með að duga. En ef það virkar þá er það fínt.


Kveðja,

Katrín Edda Magnúsdóttir,
ljósmóðir og brjóstagjafaráðgjafi,
16. desember 2007.





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.