Spurt og svarað

20. október 2005

Kláði og brjóstagjöf

Góðan dag og takk fyrir frábæra síðu!

Mig langar að forvitnast hvort það eru einhver tengsl á milli kláða og brjóstagjafar? Mig klæjar svo mikið og víða, á fótunum, höndunum og já bara allsstaðar og finnst ég bara hafa fundið fyrir því undanfarnar vikur. Stundum fæ ég svona kláðabólur sem hverfa reyndar eftir nokkrar mínútur. Ég er með eina 1½ mánaða á brjósti.

Kær kveðja.

.............................................................


Sæl!

Nei, ég hef ekki getað fundið neitt sem bendir til tengsla milli brjóstagjafar og kláða. Þetta tvennt fer yfirleitt aðeins saman þegar um sveppasýkingu á geirvörtum er að ræða. Í þeim tilfellum er kláðinn bundinn við vörturnar eða brjóstin en er ekki út um allt. Þannig að ég er hrædd um að þú verðir að leita annarra skýringa á orsökum kláðans.

Með von um að þú finnir svör,

Katrín Edda Magnúsdóttir,
ljósmóðir og brjóstagjafaráðgjafi,
20. október 2005.






Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.