Spurt og svarað

21. apríl 2008

Kolvetnislaust fæði og brjóstagjöf

Sæl!

Ég er með 2 mánaða gamalt barn á brjósti og er langt yfir kjörþyngd. Ég var að hugsa um að taka allan sykur og kolvetni úr fæðunni, sérstaklega vegna þess að ég er með mikil ristilsvandamál. Er þetta á einhvern hátt óhollt fyrir barnið? Tek það fram að ég  innbyrði allt kjöt, fisk, grænmeti og ávexti þess í stað.

Með von um skjót svör og þakkir fyrir góðan vef:)


Sæl og blessuð.

Það er ágæt regla að byrja ekki neitt sem heitir megrun fyrstu 3 mánuði brjóstagjafar. Þá eru að verða breytingar á fituforða líkamans sem eru hagstæðar fyrir seinni tíma. Eftir það er í lagi að breyta fæði sínu og mér virðist þú ætla að velja ágæta leið. Þú passar bara að fá fæði úr öllum fæðuflokkum á hverjum degi. Það sem þú telur upp getur verið ágætis byrjun. 

Bestu óskir,

Katrín Edda Magnúsdóttir,
ljósmóðir og brjóstagjafaráðgjafi,
21. apríl 2008.





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.