Spurt og svarað

26. nóvember 2008

Lauklykt af brjóstamjólk

Góðan dag!

Dóttir mín er orðin 3ja vikna gömul og brjóstagjöfin er að komast í eðlilegan farveg. Síðustu vikuna eða svo, hefur verið sterk lauklykt (eða álíka lykt) af brjóstamjólkinni, þrátt fyrir að ég hafi haldið mig algerlega frá öllum lauk. Ég tel mig vera hreinláta manneskju svo þetta er líklegast ekki af völdum óþrifnaðar. Ætli þetta sé tilkomið vegna mataræðis? Þetta háir okkur ekki. Dóttir mín drekkur vel, en þetta er frekar leiðigjarnt. Öll ráð eru vel þegin.

Kveðja. Móðir og 3ja vikna dóttir.

 


Sæl og blessuð!

Ég hef heyrt talað um ýmisskonar lykt af móðurmjólk en man ekki eftir akkúrat þessari lýsingu.
Jú, það er möguleiki að þetta sé vegna mataræðis en trúlegra þó að það eigi rætur að rekja til ensímvirkni í mjólkinni sem er algjörlega eðlileg. Ef þetta truflar ykkur ekki eða neinn í nánasta umhverfi  er óþarfi að gera neitt í málinu. Annars geturðu prófað þig áram með að yfirgnæfa lyktina með annarri lykt.

Gangi þér vel.
Katrín Edda Magnúsdóttir,
ljósmóðir og brjóstagjafaráðgjafi,
26. nóvember 2008.





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.