Spurt og svarað

08. september 2005

Magn af móðurmjólk

Hæhæ
Barnið mitt er rétt rúmlega átta mánaða gamalt. Það er enn á fullu brjósti, eða um 8 gjafir á sólahring. Er það of mikið fyrir það ef það er byrjað að borða mat í allar máltíðir að fá þetta mikið brjóst?

Kær kveðja og fyrirfram þakkir.

..........................................

Sæl og blessuð.

Það er í raun bara val hverrar móður hvernig hún vill hafa þetta á þessum tíma. Sumar hafa brjóstagjöfina í fyrirúmi og þá er annar matur meira bara í smá smakk formi. Það er í góðu lagi. Fasta fæðið er þá meira til að kenna þeim að tyggja og kyngja stórum bitum. Næringarlega er maturinn frekar ómerkilegur út frá sjónarhóli brjóstamjólkurinnar.
Aðrar mæður byrja afvenjun brjóstagjafar um leið og þær kenna barni að borða fast fæði. Þá eru brjóstagjafir teknar út í stað annarra máltíða. Þá verður næring matarins að vera mjög góð og fjölbreytt. Brjóstin aðlagast færri gjöfum og minnka framleiðslu.
Það er ekkert of mikið fyrir 8 mánaða barn að fá 8 gjafir á dag. Börn geta verið eingöngu á brjósti í 1 ár og þrifist fullkomlega. Þú ert búin að kynna því fast fæði og getur bara verið róleg þar til þú vilt fara að fækka brjóstagjöfunum og venja af brjósti.
Bestu óskir um áframhaldandi gott gengi.

Katrín Edda Magnúsdóttir, l
jósmóðir og brjóstagjafaráðgjafi.
08.09.2005.





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.