Spurt og svarað

27. ágúst 2011

Malt til að auka mjólkurframleiðslu

Hæ hæ og takk fyrir frábærann vef!

Var að spá því ég heyri að maður ætti ekki lengur að drekka malt til að auka mjólkurframleiðslu. Það væri búið að bæta lakkrís í það. Sagt er að lakkrísinn sé algjört eitur í mjólkurgjöf því það getur farið í magann á barninu. En ég finn samt lítið sem ekkert um þetta á netinu. En systur minni var ráðlagt að fá sér frekar smá pilsner?

 


Sæl og blessuð!

Það er í góðu lagi að drekka malt í brjóstagjöf með eða án lakkríss. Það er hins vegar ekkert mjólkuraukandi frekar en pilsner. Það er nauðsynlegt að drekka eðlilegt magn af vökva á meðan brjóstagjöf stendur en það er yfirleitt þorstinn sem segir til um hvað mikið þarf. Það er nokkuð sama hvaða vökva er verið að drekka. Líkamanum nýtist fljótast tærir vökvar eins og vatn, safar eða te en það er líka í góðu lagi að drekka mjólk, gos og matarmeiri drykkir eins og soð og súpur. Ef grunur er um fæðuóþol hjá barni, t.d. ef mikið óþol er í fjölskyldu er byrjað á því að hætta að drekka mjólk og mjólkurdrykki.

Vona að þetta hjálpi.
Katrín Edda Magnúsdóttir,
ljósmóðir og brjóstagjafaráðgjafi,
27. ágúst 2011.





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.