Spurt og svarað

21. janúar 2012

Maxil natursalve í brjóstagjöf

Góðan dag og takk fyrir frábæran vef!

 Mig langar til að spyrja hvort það sé óhætt að nota kremið Maxil natursalve á sárar geirvörtur. Ég er með 2ja vikna gamalt barn og er búin að vera í rosalegu basli með sárar geirvörtur, opna sprungu og vesen. Ég hef rosalega góða reynslu af þessu kremi á allt mögulegt og langar svo að bera þetta á mig. Ég veit að það má nota þetta á munnangur og á góminn undir gervitennur o.þ.h. en spurning hvort annað gildi um ungabörn. Kannist þið við þetta. Ég held reyndar að partur af þessum sárum stafi af tunguhafti hjá stráksa þannig að þetta er pínu erfitt við að eiga.

Með von um góð svör. Kv. Helga.

 


Sæl og blessuð Helga!

Það er ekki mælt með að bera krem á sárar vörtur nema í þeim sé sýking. Þá þarf kremið að hafa sérstaka eiginleika, vera bakteríudrepandi, sveppadrepandi eða annað sem hentar hverju sinni. Orsökina fyrir sárunum þarf að laga fyrst af öllu. Oftast er það rangt grip eða það getur líka verið tunguhaft. Tunguhaft þarf að klippa ef það er tunguhaftið sem veldur sárunum. Fyrr geta þau ekki lagast. Kremið getur verið gott en það breytir engu ef orsökin er ekki löguð.

Vona að þú fáir þetta í lag sem fyrst.
Katrín Edda Magnúsdóttir,
ljósmóðir og brjóstagjafaráðgjafi,
21. janúar 2012.

 





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.