Spurt og svarað

05. nóvember 2014

Mjólk í brjóstum eftir að brjóstagjöf lýkur

Sælar og takk fyrir frábæran vef!

Ég á einn 10 mánaða strák sem var hjá á brjósti þangað til hann var 8 mánaða og gekk bjróstagjöfin mjög vel. Það eru því 2 mánuðir síðan hann hætti á brjósti.Hann hætti bara sjálfur og það gekk vel. Brjóstin virtust hafa tæmst á um viku en svo í morgun kom úr vinstra brjóstinu eins og smá svona formjólk. Það kom eins og 1 dropi og svo aðeins meira þegar ég prufaði að handmjólka. Mig langar að spyrja hvort þetta sé eðlilegt eða einhvað sem ég þarf að hafa áhyggjur af?




Sæl og blessuð!

Þetta er mjög eðlilegt og ekkert sem þú þarft að hafa áhyggjur af. Þú getur orðið vör við mjólkurdropa að koma í nokkra mánuði og upp í eitt ár eftir að brjóstagjöf lýkur. Aðalatriðið er að vera ekki að mjólka út því þá hveturðu brjóstin til framleiðslu á ný. Láta þetta alveg vera og láta líkamann um að ljúka þessu á sinn hátt.

Bestu óskir.
Katrín Edda Magnúsdóttir,
ljósmóðir og brjóstagjafráðgjafi,
5. nóvember 2014.






Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.