Spurt og svarað

11. júlí 2010

Mjólkurbóla eftir brjóstagjöf

Takk fyrir æðislegan vef!

 Ég las um mjólkurbólur hjá ykkur. Langar að spyrja því ég er með svona hvíta bólu, sem kom samt alveg sex mánuðum eftir að barnið mitt hætti á brjósti. Nú er þetta búið að vera í sex mánuði. Er normalt að þetta komi svona seint og sé svona lengi? Er þetta samt mjólkurbóla? Ég fór til læknis út af öðru og sýndi henni þetta. Hún sagði bara að þetta væri ekkert til að hafa áhyggjur af. En mér finnst þetta vera búið að vera svo rosalega lengi. Er það alveg eðlilegt með svona mjólkurbólur?


 

Sæl og blessuð!

Já, mjólkurbóla getur vel komið eftir brjóstagjöfina. Það er líka alveg við því að búast að hún sé mjög lengi þegar það er ekkert sérstakt sem þrýstir á. Ef hún á toppi vörtunnar er hún mjólkurbóla, en ef hún er á hlið vörtunnar getur verið um annað fyrirbæri að ræða. Ef hún er á toppnum finnst mér ekkert athugavert við að opna hana og losna þannig við hana. Ég er hins vegar alveg sammála lækninum. Þetta er ekkert til að hafa áhyggjur af. Hún fer sjálf á endanum.

Með bestu kveðjum.
Katrín Edda Magnúsdóttir,
ljósmóðir og brjóstagjafaráðgjafi,
11. júlí 2010.





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.