Spurt og svarað

02. mars 2010

Mjólkurflæði en neikvætt óléttupróf

Sælar fróðu konur!

Þannig er mál með vexti að ég á tæplega 2 ára gamalt barn sem var á brjósti til tæplega 1 árs. Núna fyrir stuttu fór ég að finna fyrir svipuðum tilfinningum í brjóstunum og þegar mjólkin var að flæða fram. Það hefur líka lekið úr brjóstunum á mér (en ég þornaði alveg upp og ekkert komið síðan barnið hætti á brjósti og þangað til núna). En ég er búin að taka 2 óléttupróf og þau koma bæði neikvæð. Hvað gæti þetta verið? Er þetta kannski alveg eðlilegt eða ætti ég að leita til læknis?

 


Sæl og blessuð!

Þetta er fyrirbæri sem margar konur kannast við. Oftast er það eitthvað í umhverfinu sem ýtir þessu af stað. Nálægð við lítil börn, hljóð í litlum börnum eða bara að verið er að tala um barneignir og brjóstagjöf. Það getur líka verið að eitthvert hormónaflæði hafi átt sér stað. Þú þarft ekki að leita til læknis nema að þú sért verulega óróleg út af þessu eða finnist ástandið greinilega óeðlilegt.

Með bestu kveðjum.
Katrín Edda Magnúsdóttir,
ljósmóðir og brjóstagjafaráðgjafi,
2. Mars 2010.





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.