Spurt og svarað

13. ágúst 2007

Næring - Brjóstamjólk

Sælar!

Nú er svo mikið talað um að brjóstamjólk sé alltaf best.  Ef móðirin með barn á brjósti borðar of mikinn sykur og ekki nóg hollan mat, er brjóstamjólkin þá samt best? Verður brjóstamjólkin eitthvað verri fyrir vikið?

Kveðja, Tinna.


Sæl og blessuð Tinna.

Í stuttu máli: Já, brjóstamjólkin er samt best. Og jafnframt: Nei, hún verður ekkert verri fyrir vikið. Samsetning móðurmjólkurinnar verður alltaf sú sama. Hún tínir til sín þau efni sem barnið þarfnast og ef of mikið er af einhverju þá er það bara látið vera og fer aftur til móður. Umframsykurinn verður vandamál líkama móðurinnar en ekki barnsins. 

Kveðja,

Katrín Edda Magnúsdóttir,
ljósmóðir og brjóstagjafaráðgjafi,
13. ágúst 2007.





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.