Spurt og svarað

21. janúar 2008

Champix til að hætta að reykja

Sælar ljósmæður!

Það er rúmur mánuður síðan ég hætti að reykja með hjálp lyfsins Champix. Það er mælt með þriggja mánaða skammti og ég er búin með mánuð. Ég var að komast að því að ég er ólétt. Má ég halda áfram að taka lyfið? Það hefur hjálpað mér rosalega mikið í baráttunni við nikótínið.

Kær kveðja og með von um svör, Perla.


Sæl og blessuð!

Því miður þá er ekki nógu mikið vitað um áhrif lyfsins Champix á fóstur og meðgöngu og því er ekki ráðlegt að taka það inn á meðgöngu. Ég vona þó að þú getir haldið reykbindindið því það er mjög mikilvægt fyrir þig og ófædda barnið þitt. Þú getur lesið nánar um áhrif reykinga á meðgöngu í pistli hér á síðunni. Á vefsíðunni www.reyklaus.is er einnig að finna fræðsluefni og upplýsingar um stuðning til reykleysis o.fl.

Gangi þér vel.

Kær kveðja,

Anna Sigríður Vernharðsdóttir,
ljósmóðir og hjúkrunarfræðingur,
21. janúar 2008.






Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.