Spurt og svarað

11. júlí 2010

Nikótín og brjóstamjólk

Sælar!

 Ég veit vel að best er að forðast nikótínneyslu meðan barnið er á brjósti. Ég er með dóttur mína á brjósti, hún er sjö mánaða. Ég reyki einstaka sinnum, aldrei kringum barnið, en nota nikótíntyggjó daglega. Hvaða áhrif hefur þetta á dóttur mína? (ég notaði ekki nikótín á meðgöngu).

Kv. Móðir.


 

Sæl og blessuð móðir!

Það er jákvætt að þú haldir þessu í slíku lágmarki. Það er reyndar ekki mikið vitað um áhrif nikótíntyggjós á brjóstfædd börn. Þar skiptir magnið sjálfsagt máli. Það er þó alltaf mælt með því miklu fremur en sígarettunum sjálfum. Þar koma til fullt af öðrum efnum sem sneitt er hjá. Þannig að þú skalt vera glöð á meðan þú heldur þig nokkurn veginn frá sígarettunum.

Bestu kveðjur.
Katrín Edda Magnúsdóttir,
ljósmóðir og brjóstagjafaráðgjafi,
11. júlí 2010.

 





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.