Spurt og svarað

22. nóvember 2006

Nokkrar spurningar um brjóstabólgu

Hæ, hæ!

Ég er mikið að velta fyrir mér tveim atriðum.

Í fyrsta lagi hvenær er manni óhætt að nota venjulegan brjóstahaldara (sem sagt ekki gjafahaldara), þegar maður er með barn á brjósti? Stelpan mín er rúmlega 7 mánaða og drekkur 4 gjafir á sólarhring.

Hitt sem ég var að velta fyrir mér er hvort mér sé óhætt að fara í gufubað sem staðsett úti og má ég fara í útisund þegar það er frost úti? Kannski eru þetta heimskulegar spurningar, en ég spyr því að það er alltaf verið að brýna fyrir manni að láta ekki sér ekki verða kalt á brjóstunum (og passa að þau verði ekki fyrir snöggum hitabreytingum). Líka að passa að það þrengi hvergi að, svo að maður fái ekki brjóstabólgu. Best að taka það fram að ég hef aldrei fengið brjóstabólgu „7-9-13“.

Mig langar líka að vita hvort það fari ekki svolítið eftir konum hvort þær fái brjóstabólgu eða ekki? Ég meina, fá ekki sumar konur brjóstabólgu - jafnvel nokkru sinnum nánast upp úr þurru, á meðan aðrar konur eru svo heppnar að sleppa? Er þetta genatengt?

Vona svo innlega að þessum spurningum mínum verði svarað.

Kveðja.


Sæl og blessuð.

Ég mæli með því að konur séu í gjafahaldara út brjóstagjöfina. Það er ekki víst að allar konur þurfi þess. Þetta er meira byggt á vinnu minni en í henni fæ ég konur með brjóstastíflur eftir slæma brjóstahaldara allan brjóstagjafatímann. 

Já, þú mátt fara í útigufubað og útisundlaug ef þú treystir þér til. Konur eru misnæmar fyrir kulda og þekkja það yfirleitt best sjálfar hvað þær geta. Þær sem eru vanar sundi í kuldum án þess að fá kvef eða aðrar pestir eru yfirleitt vel settar.  Jú, það er rétt að sumar konur fá oftar brjóstastíflur eða bólgur en aðrar en ég er ekki viss um að það sé genatengt. Vona að þetta svari þínum spurningum. 

Kveðja,

Katrín Edda Magnúsdóttir,
ljósmóðir og brjóstagjafaráðgjafi,
22. nóvember 2006.





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.