Spurt og svarað

19. júní 2011

Pink Fit prótein í brjóstagjöf

Hæ hæ!
 Ég er með barn á brjósti og er að forvitnast um hvort ég megi taka inn Pink Fit. Ég fitnaði svakalega við óléttuna og það væri fínt að prufa þetta ef ég má. Barnið er annars byrjað að fá eina teskeið af graut á dag.
 
Sæl og blessuð!
Það skiptir verulegu máli hve gömul brjóstabörn eru ef að á að huga að megrun móðurinnar. Það kemur ekki fram í þínu bréfi hve gamalt barnið er. En fyrst að það er byrjað að borða á ég von á að það sé orðið 6 mánaða gamalt. Þá er í sjálfu sér allt í lagi að fara að huga að leiðum til að létta sig. Skynsamlegast er að byrja á venjulegum leiðum sem fela í sér aukna hreyfingu og bætt mataræði með auknu grænmeti, ávöxtum og trefjum. Mörg fæðubótarefni og/eða efni sem lofa kraftaverkamegrun geta verið varhugaverð. Pink Fit á meðal annars að hraða meltingu. Það er nokkuð sem er ekki æskilegt við framleiðslu mjólkur. Þannig að ég ráðlegg þér að bíða með þetta efni þar til seinna og einbeita þér að venjulegum leiðum.
Gangi þér vel.
Katrín Edda Magnúsdóttir,
ljósmóðir og brjóstagjafaráðgjafi,
19. júní 2011.




Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.