Spurt og svarað

16. febrúar 2006

Premulut, Pergotime og brjóstagjöf

Hæ, hæ og takk fyrir frábæran vef!

Ég hef verið að leita af upplýsingum um lyfið Premulut, en fann ekkert sem ég gat nýtt mér. Þannig eru málin hjá mér að ég er með barn á brjósti sem er 3. mánaða gamalt og langar í annað barn sem fyrst, vil hafa stutt á milli barnanna ;) Get ég tekið Premulut til að koma af stað blæðingum hjá mér hef ekki en byrjað á blæðingum eftir að ég átti stelpuna mína og get ég svo tekið Pergotime? Áttu ekki einhver góð ráð fyrir mig til að koma egglosi af stað?

;o) Kveðja.

.....................................................................................................

Sæl og blessuð!

Eins og fram hefur komið áður á þessum vef passar það mjög illa saman að vera með barn á brjósti og reyna að fara í frjósamt ástand. Þetta eru hormónaaðstæður sem vinna gegn hver annarri. Ég myndi ráðleggja þér að klára brjóstagjöfina og leyfa líkamanum að komast í jafnvægi eftir hormónaraskið sem fylgdi meðgöngunni, fæðingunni og brjóstagjöfinni. Þetta eru bara nokkrir mánuðir og verða fljótir að líða þegar þú ert með barn á brjósti.

Með bestu ósk um gott gengi,

Katrín Edda Magnúsdóttir,
ljósmóðir og brjóstagjafaráðgjafi,
16. febrúar 2006
.





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.