Spurt og svarað

16. október 2006

Prjónaskapur og brjóstagjöf

Sæl og takk fyrir góðan vef. 

Ég er með þriggja mánaða barn á brjósti og hef mjög gaman af því að prjóna.  Ég heyrði einhversstaðar að það væri ekki gott að prjóna þegar maður er með barn á brjósti vegna aukinnar hættu á stíflum o.þ.h.  Er eitthvað til í þessu eða eru þetta bara einhverjar kellingabækur?

Kveðja, Prjónakonan.


Sæl og blessuð Prjónakona.

Það er ekki alveg hægt að stimpla þetta sem kerlingabækur því það er svolítið til í þessu. Maður notar suma vöðva kringum brjóstin við prjónaskap og reyndar ýmsa aðra handavinnu og föndur. Þannig að það er kannski ekki sniðugt að byrja handavinnuferilinn á þessum tíma. En fyrir vanar handavinnukonur er þetta ekkert mál. Þær eru með þessa vöðva vel þjálfaða og það truflar þær ekkert. En maður velur sér kannski ekki eitthvað mjög erfitt eða vandasamt að gera akkúrat á fyrstu vikum brjóstagjafar. Þú veist örugglega alveg hvað ég er að meina.

Kveðja,

Katrín Edda Magnúsdóttir,
ljósmóðir og brjóstagjafaráðgjafi,
16. október 2006
.





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.