Rautt í bleyju

07.07.2010

Góðan dag!

 Mig langar að vita hvað er í gangi þegar það er að koma rautt í bleiuna hjá barni sem er komið vel á þriðja mánuð. Þetta er eins og var fyrstu dagana þegar brjóstagjöf var að komast í gang svona orange/rauðlitaður blettur í bleiunni. Hefur ekkert verið lengi en er nú að koma stöku sinnum. Getur verið að barnið sé ekki að fá næga mjólk? Var að gefa ábót til að byrja með en hef dregið verulega úr því þar sem ég tel mig hafa næga mjólk. Barnið drekkur reglulega - skilar vel af sér, bleytir margar bleiur á dag og kúkar a.m.k. einu sinni á dag. Barnið sefur einnig vel og er vært. Er þetta eitthvað sem maður getur á von á að sjá eða er þetta eitthvað sem verður að "laga".

Kv.ein stressuð.


 

Sæl og blessuð Ein stressuð!

Ég hef ekki neina góða skýringu á þessu. Samkvæmt því sem þú lýsir fær barnið nóg að drekka. „Drekkur reglulega“ vona ég allavega að þýði nógu oft. Þannig að ég bendi þér á að spyrja barnalækni um þetta.

Gangi þér vel.
Katrín Edda Magnúsdóttir,
ljósmóðir og brjóstagjafaráðgjafi,
7. júlí 2010.