Spurt og svarað

06. maí 2007

Safna mjólk í frystinn

Halló!

Ég er að safna mjólk í frystinn og er komin með þrjá pela með misjafnlega miklu í, 20-50 og 95 ml og nú á ég ekki fleiri pela. Má ég þá mjólka mig og blanda saman mjólkinni við frysta mjólk? Ef ég tek einn pela og set hann í ísskápinn og nota svo kannski ekki allan pelan má hann þá fara aftur í frystinn?

Kveðja, Rósa.


Sæl og blessuð Rósa.

Jú, þú getur blandað einum nýjum mjólkurskammti í hvern pela og fryst aftur. Það er svo yfirleitt ekki blandað meiru saman við það. Varðandi þýdda mjólk þá er hún yfirleitt ekki fryst aftur en þú getur haft hana í ísskáp og notað aftur innan fárra daga. Ef þú ert í vandræðum með pela getur verið ágæt lausn að frysta mjólk í plastpokum. Þeir fást í apótekum og eru sérstaklega gerðir fyrir brjóstamjólk. 

Gangi þér vel.         

Bestu kveðjur,

Katrín Edda Magnúsdóttir,
ljósmóðir og brjóstagjafaráðgjafi,
6. maí 2007.





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.