Spurt og svarað

13. ágúst 2007

Sílikon - áhyggjur

Halló og takk fyrir góðan vef!

Hef áhyggjur af því að ég finn fyrir hörðu svæði í báðum brjóstum fyrir aftan geirvörtur þegar ég kreisti þau. Fór í brjóstastækkun fyrir þó nokkrum árum og er nú langt komin á meðgöngu. Á dálítið erfitt með að skoða brjóstin, er viðkvæm, en finnst þetta þó ekki vera eins og litlir hnúðar, frekar tvö stór þykkildi í brjóstum bakvið geirvörtur. Hingað til hefur allt gengið vel með brjóstin en hef áhyggjur af brjóstagjöfinni því ég vil ekkert frekar en að geta gefið barninu mínu brjóst.

Með von um hjálpleg svör. A


Sæl og blessuð A.

Mér finnst ólíklegt að þetta sé eitthvað óeðlilegt. Ef aðgerðin hefur verið gerð hér á landi eru allar líkur á að púðarnir séu mun aftar en „rétt fyrir aftan“ geirvörturnar. Þar finnur maður hins vegar oft fyrir hörðu (þéttu) svæði sem oftast er kallað stilkur. Það liggur frá vörtum aftan til og beint inn í brjóstið. Ég ráðlegg þér þó að fá skoðun líka til að þú getir spurt þeirra spurninga sem þér liggja á hjarta. Að sjálfsögðu eru yfirgnæfandi líkur á að þú getir haft barnið þitt á fullri brjóstagjöf eins og hver önnur. Þú þarft bara að fá gott start þ.e. barn sem sýgur oft og lengi fyrstu 2 dagana rétt eins og aðrar konur.

Gangi þér vel.   

Kveðja,

Katrín Edda Magnúsdóttir,
ljósmóðir og brjóstagjafaráðgjafi,
13. ágúst 2007.





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.