Spurt og svarað

04. apríl 2007

Skokk og brjóstagjöf

Takk fyrir frábæran vef!

Ég á einn 3ja mánaða og hef verið dugleg að fara í gönguferðir. Núna langar mig til að fara að skokka til þess að fá meira út úr hreyfingunni. Hvernig er það með mæður með börn á brjósti. Er eitthvað sérstakt sem ber að varast? Hvernig býr maður sem best um mjólkurbúið?

Kveðja.


Sæl og blessuð!

Það er hið besta mál að þú gangir, skokkir eða hlaupir. Það er í raun ekkert sérstakt sem ber að varast. Flestum finnst þó óþægilegt ef brjóstin hossast mikið þannig að þá er til þæginda að hafa eitthvað þétt um þau á meðan. Það mætti vera þéttur toppur, góður brjóstahaldari eða eitthvað sem þér finnst hjálpa. Prófaðu þig kannski svolítið áfram með þetta.

Gangi þér vel.

Kveðja,

Katrín Edda Magnúsdóttir,
ljósmóðir og brjóstagjafaráðgjafi,
4. apríl 2007.





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.