Spurt og svarað

12. desember 2012

Staðdeyfing

Góðan dag.
Ég er með einn lítinn á brjósti (bara á brjósti) en nú á að fjarlægja fæðingablett af brjóstinu sjálfu og verður því notuð staðdeyfing á/í brjóstið. Hefur þetta áhrif á brjóstamjólkina? Ef svo er, hversu lengi er þetta að fara úr, þ.e. hvenær má ég aftur byrja að gefa barninu að drekka úr umræddu brjósti?




Sæl
Staðdeyfing hefur ekki áhrif á brjóstamjólkina, það er venjulega notað mjög lítið magn deyfilyfs við þessar aðgerðir og efnið einnig fljótt að fara úr líkamanum. Hér getur þú líka lesið svar við svipaðri fyrirspurn. Þar sem verið er að fjarlægja blett af brjóstinu sjálfu er ef til vill gott fyrir þig að gefa barninu af því brjósti sem á að fjarlægja blettinn af stuttu áður en aðgerðin fer fram til að minnka óþægindi fyrir þig.


Með bestu kveðju,
Signý Dóra Harðardóttir,
ljósmóðir og hjúkrunarfræðingur,
12. Desember 2012






Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.