Spurt og svarað

18. október 2009

Stingir í brjósti

Hæ!

Ég er með son minn 6 mánaða á brjósti. Það hefur gengið mjög vel og hef ég haft fullt af mjólk til að gefa honum. Mig langar að halda áfram með hann á brjósti. Hann er núna byrjaður að fá graut 1x á dag en er að drekka vel á milli. Núna síðustu daga hef ég verið að fá stingi og pínu verki í brjóstin og þá aðallega í kringum geirvörtuna og vörtubauginn. Er þetta nokkur merki um að mjólkin sé að minnka? Er þetta eitthvað sem ég ætti að hafa áhyggjur af? Þetta kemur og fer.

 


Sæl og blessuð!

Þetta er alveg örugglega ekki merki um að mjólkin sé að minnka. Það koma stundum svona einkenni með sveppasýkingu og hún getur jú komið hvenær sem er á brjóstagjafatímanum. Ég myndi því ráðleggja þér að láta athuga hvort svo gæti verið.

Með bestu kveðjum.
Katrín Edda Magnúsdóttir,
ljósmóðir og brjóstagjafaráðgjafi,
18. október 2009.





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.