Spurt og svarað

27. maí 2006

Stingir í brjóstum

Sælar og takk fyrir góðan vef!

Ég eignaðist stúlku fyrir 7 vikum og er með hana á brjósti. Brjóstagjöfin gengur mjög vel og hún þyngist vel. En ég hef verið að fá stingi í brjóstin. Þetta kemur alltaf eftir gjöf og í fyrstu varði þetta í smá tíma og kom í því brjósti sem hún drakk úr en nú varir þetta mun lengur og er frekar sár stingur. Þetta er reyndar ekki alveg stanslaust en annað slagið. Langaði bara að athuga hvort þið könnuðust við svona?


Sæl og blessuð.

Já, við könnumst við svona. Þessi lýsing á nokkuð vel við byrjandi sveppasýkingu á geirvörtum. Það er reyndar fleira sem kemur til greina en er frekar ólíklegt. Ég ráðlegg þér að leita til brjóstagjafaráðgjafa, ljósmóður, hjúkrunarfræðings eða læknis og fá skoðun og meðferð.

Gangi þér vel og góðan bata,

Katrín Edda Magnúsdóttir,
ljósmóðir og brjóstagjafaráðgjafi,
27. maí 2006.





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.