Spurt og svarað

09. ágúst 2009

Svínaflensan og ungbörn

Ég á 2ja vikna gamalt barn og er að velta því fyrir mér hvernig best megi verja það fyrir svínaflensunni og hversu hættuleg hún geti verið. Maðurinn minn hefur sérstaklega áhyggjur af þessu því líkur eru á því að fjölskyldan hans hafi smitast(heimsóttu smitaðan einstakling) og nú þora hvorki þau né hann að láta þau koma nálægt barninu. Við getum auðvitað takmarkað heimsóknir til okkar en þurfum sjálf að fara út úr húsi, versla í matinn og annað slíkt. Maðurinn minn óttast að við gætum borið smit heim en það er ekki hægt að loka sig inni þó maður sé með ungabarn. Nú er barnið svo lítið að ónæmiskerfið er ekki fullþroskað og miðað við hvað RS vírusinn getur verið hættulegur (og læknar kunna á hann), hversu hættuleg getur þá þessi svínaflensa verið ungabörnum? Hvað getur fólk með lítil börn eins og við gert?

 


Sæl og blessuð!

Ég vona að þú hafir lesið greinina um svínaflensuna og brjóstagjöf sem birtist fyrir nokkrum dögum. Það er rétt hjá þér að það er ekki hægt að loka sig inni endalaust. En ef þið farið eftir ráðum greinarinnar þá geti þið að sjálfsögðu farið út í búð og annað. En það er ekki sniðugt að fara á mjög fjölmenna staði. Það er ekki komin reynsla á það hér á landi hversu skæð flensan getur verið en hingað til hefur fólk veikst vægt og verið tiltölulega fljótt að ná sér. Svo verður fólk að fylgjast með fréttum um framvindu.

Gangi ykkur vel.
Katrín Edda Magnúsdóttir,
ljósmóðir og brjóstagjafaráðgjafi,
9. ágúst 2009.





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.