Spurt og svarað

31. janúar 2012

Dofi efst á bumbunni

Sælar og takk fyrir mjög góðan vef.

Mig langaði að forvitnast um eitt atriði sem ég hef ekki fundið mikið fjallað um en veldur mér orðið verulegum óþægindum. Ég hef fengið tímabundin náladofa efst í bumbuna eiginlega frá ca 20 viku en er komin 36 vikur núna. Eftir því sem barnið og bumban hefur stækkað þá hefur þessi dofi aukist en ég gat yfirleitt haldið honum niðri með því að rétta úr bakinu. Núna undanfarnar vikur hefur dofinn hins vegar aukist mikið, bæði breytt úr sér og er nánast stöðugur núna og einnig klæjar mig frekar í þetta svæði. Svæðið sem þetta kemur fram á er undir báðum brjóstum þversum og ca. 5-10cm breitt svæði. Er þetta eitthvað sem ég þarf að hafa áhyggjur af?

Ein dofin


Sæl.

Ég held að þú þurfir ekki að hafa áhyggjur af þessu þó þetta sé vissulega óþægilegt.  Sennilega tengist þetta að einhverju leiti stöðu barnsins en bjúgur og þrýstingur á taugar á þessu svæði eru líka mögulegar orsakir.  Ertu nokkuð í of þröngum brjóstahaldara eða brjóstahaldara með spöngum?  Nudd og krem geta kannski eitthvað hjálpað.

Gangi þér vel.

Rannveig B. Ragnarsdóttir,
ljósmóðir og hjúkrunarfræðingur.
31.janúar 2012.





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.