Spurt og svarað

27. apríl 2008

Svitnar mikið, 10 mánaða

Sælar ljósmæður

Þarf að hafa áhyggjur af 10 mánaða barni sem svitnar mikið við brjóstagjöf og í svefni? Barnið er oft blautsveitt á hálsinum og er þá hálsmálið blautt og stundum út á axlir. Hitastig og hversu mikið eða lítið barnið er klætt og hvort heitt er eða svalt í herberginu virðist ekki skipta máli. Getur þetta bent til járnskorts eða einhvers annars sem er að?

Kveðja og þakkir fyrir ómissandi vef:)


Sæl og blessuð.

Mörg börn eru ansi heitfeng og svitna mjög auðveldlega. Það getur skipt máli að umhverfið sé ekki of heitt og loftræsting góð. Það er líka algengur siður hér á landi að klæða börn of mikið. Ef þessi atriði eru í lagi og barnið svitnar bara við að næra sig myndi ég ráðleggja þér að spyrja um þetta atriði í næstu skoðun barnsins.

Gangi þér vel.         


Bestu óskir,

Katrín Edda Magnúsdóttir,
ljósmóðir og brjóstagjafaráðgjafi,
27. apríl 2008.

 





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.