Spurt og svarað

07. júlí 2010

Tavegyl í brjóstagjöf

Sælar og takk fyrir góðan vef!

Ég er með 3ja mánaða stelpuna mína á brjósti og er með svakalega mikið frjókornaofnæmi. Ég fékk lyfið Tavegyl frá lækni en í fylgiseðlinum stendur að það megi taka á meðgöngu en ekki við brjóstagjöf. Er mér þar með óhætt að taka lyfið? Ég er alveg rugluð. Eins mælti hann með Livostin nefúðanum, en með honum stendur að lyfið berist í brjóstamjólkina og sé í lagi að nota stöku sinnum. Hvað er "stöku sinnum" oft? Með von um skjót svör.

Rugluð ofnæmismamma.


 

Sæl og blessuð ruglaða ofnæmismamma!

Sem betur fer er frjókornaofnæmi tímabundið og það kemur oft í bylgjum. Tavegyl er kannski ekki fyrsta val á lyfi við svona ofnæmi í brjóstagjöf. Það eru hins vegar til mörg önnur lyf með sömu verkun sem er allt í lagi að nota í brjóstagjöf. Nefúða er hins vegar yfirleitt allt í lagi að nota. „Stöku sinnum“ má í þessu tilfelli túlka sem „þegar þörf er á“ án þess að það fari út í einhverja vitleysu.

Vona að þetta hjálpi.
Katrín Edda Magnúsdóttir,
ljósmóðir og brjóstagjafaráðgjafi,
7. júlí 2010.





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.