Spurt og svarað

30. nóvember 2006

Trönuberjasafi og súkkulaði

Ég er með tveggja og hálfs vikna barn á brjósti. Hann hefur verið svo órólegur undanfarna daga. Hvernig veit ég hvort hann er með í maganum?Ég hef verið ansi dugleg í súkkulaðinu og svo drakk ég trönuberjasaft í gær og í dag. Getur trönuberjasaft eða súkkulaði farið í magann á brjóstmylkingum?


Sæl og blessuð.

Nei, það er ekki líklegt að saftin eða súkkulaðið fari í magann á barninu. Það sem mér dettur helst í hug er að hann sé svolítið snemma kominn í fyrsta vaxtarsprettinn og þurfi bæði aukagjafir og extra langar gjafir inn á milli. Það getur líka hjálpað að sumar gjafir séu gefnar eingöngu á öðru brjóstinu. Gangi þér vel og njóttu áfram trönuberjasafans og súkkulaðisins.      

Kær kveðja,

Katrín Edda Magnúsdóttir,
ljósmóðir og brjóstagjafaráðgjafi,
30. nóvember 2006.





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.