Spurt og svarað

18. júní 2008

Tveggja mánaða sefur lengi á nóttunni

Sælar og takk fyrir glæsilega og fræðandi vefsíðu.

Þannig eru mál með vexti að ég er með eina 2 mánaða og hún er alveg yndisleg en hún sefur ofsalega mikið alveg þannig að í nótt svaf hún 10 tíma án þess að vakna. Ég tek ekkert eftir þessu vegna ég sef og vaki með henni hún sefur oftast 7-8 tíma á nóttunni og hef ég spáð í hvort það væri of mikið. Á ég að vekja hana til að drekka og á ég að hafa áhyggjur af þessu? Ég hef bara ekki heyrt um þetta áður.

Kveðja.


Sæl og blessuð.

Að því gefnu að aðrir þættir séu í lagi. Þá á ég við að barnið drekki nógu oft yfir sólarhringinn og að það þyngist og dafni eðlilega þá er allt í lagi að þau taki langa svefntíma. Stundum eru þetta bara einstök fá skipti. Það eru frekar mæðurnar sem vakna þegar börnin sofa svona lengi. Stundum eru brjóstin orðin þanin og aum. Þá er líka rétti tíminn til að vekja barnið og gefa því.

Vona að gengi vel.

Bestu kveðjur,

Katrín Edda Magnúsdóttir,
ljósmóðir og brjóstagjafaráðgjafi,
18. júní 2008.

          





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.