Spurt og svarað

10. september 2008

Tvö losunarviðbrögð?

Góðan dag og takk fyrir mjög svo hjálplega vefsíðu. Geta komið 2 losunarviðbrögð við brjóstagjöf á sama brjósti? Ef svo er kemur þá formjólk einnig í seinna skiptið?

Kveðja, Þórunn.


Sæl og blessuð.

Já, það koma meira að segja mörg losunarviðbrögð í sömu gjöfinni. Þær konur sem finna fyrir losunarviðbragðinu finna oft bara það fyrsta. Þær sem eru mjög næmar sjá stundum á börnunum hvenær seinni viðbrögðin koma. Það kemur formjólk fyrstu mínúturnar í hverri gjöf óháð losunarviðbragði. En ef skipt er um brjóst kemur formjólk líka fyrstu mínúturnar þeim megin.

Vona að þetta skýri málin eitthvað. 

Kveðja,

Katrín Edda Magnúsdóttir,
ljósmóðir og brjóstagjafaráðgjafi,
10. september 2008.





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.