Spurt og svarað

11. október 2009

Ungbörn og sykurvatn

Ég er á einn sem er rúmlega 3ja mánaða og er á brjósti. Málið er  að ég er einnig í námi og þarf að skreppa frá 2var í viku í tíma en þá ekki lengur en í rúmlega 4 klukkutíma í senn. Hann drekkur á 3ja tíma fresti oftast og ég reyni að gefa honum rétt áður en ég fer. Mér hefur verið ráðlagt að láta gefa honum sykurvatn ef hann verður svangur áður en ég kem heim. Ég hef hinsvegar verið að heyra ýmislegt um það eins og að það geti skemmt tennurnar og fari illa í magann og að hreint vatn geti verið slæmt fyrir barnið. Mamma notaði þetta nú með okkur systkinin og okkur varð nákvæmlega ekkert meint af. En hvað segið þið um þetta? Ef það er í lagi að nota sykurvatn, hversu mikið af sykri á maður að blanda í vatnið?


Sæl og blessuð!

Það er ekki í lagi að nota sykurvatn handa ungbörnum. Þetta var notað hér áður fyrr þegar fólk vissi ekki betur en það er búið að finna með rannsóknum að sykurvatn á alls ekki að gefa börnum fyrstu 6 mánuðina. Ég ráðlegg þér að mjólka þig og eiga eina gjöf í kæli eða frysti til að grípa í ef þarf.

Með bestu kveðjum.
Katrín Edda Magnúsdóttir,
ljósmóðir og brjóstagjafaráðgjafi,
11. október 2009.





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.