Nánar

Spurt og svarað

05. janúar 2014

Utanlandför föður með ungabarn

Heilar og sælar!
Er búin að liggja mikið yfir þessum vef seinasta árið og er innilega þakklát fyrir allan þann fróðleik sem finnst hér. Faðirinn er í fæðingarorlofi og þarf að skreppa til heimalands síns vegna pappírsvinnu í um 2-3 vikur. Spurningin er hvort hann eigi að taka barnið með sér sem er enn á brjósti og verður þá 10 mánaða. Vangaveltur mínar eru tvíþættar: 1.Ég las einhverstaðar að aðskilnaður milli móður og barns ætti helst ekki að vera svo langur vegna tengslamyndunar barnsins síðar meir. 2. Varðandi brjóstagjöfina þá hef ég 2 mánuði þangað til hann fer til að trappa niður brjóstagjöfina og hætta. Barnið þarf ekki tæknilega lengur brjóstagjöf er það, við 10 mánaða aldur? Hafið þið einhverjar ráðleggingar handa okkur?
Með fyrirfram þökk.
Sæl og blessuð og takk fyrir hlý orð í okkar garð!
Þetta er ekki í sjálfu sér spurning um brjóstagjöfina. Þetta er kannski meira spurning um af hverju faðirinn vill, eða hvort hann vill fara með barnið. Það er í sjálfu sér aldrei æskilegt að ung börn séu fjarri foreldrum sínum en þó er það tiltölulega algengt nú til dags. Þetta er alveg hægt, eins og þú ert búin að reikna út, brjóstagjafarinnar vegna. Ég held að þið ættuð að reyna að finna þá lausn sem er heppilegust fyrir alla viðkomandi og þá er barni sett í fyrsta sæti, síðan foreldrar, svo aðrir.
Gangi ykkur vel.
Katrín Edda Magnúsdóttir,
ljósmóðir og brjóstagjafaráðgjafi,
5. janúar 2014




Til baka í Spurt og svarað
Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.