Spurt og svarað

28. nóvember 2009

Vanlíðan í brjóstagjöf

Hæhæ!

Ég er með eina spurningu varðandi brjóstagjöf. Ég hef verið að upplifa vanlíðan á meðan brjóstagjöf stendur en ég skil ekkert af hverju. Mér líður annars bara nokkuð vel og finn ekkert fyrir þessari vanlíðan öðrum stundum. Ég er búin að vera svona í 2-3 vikur núna. Það er erfitt að útskýra þessa tilfinningu. Þetta er ekki depurð og ég vil alls ekki sleppa brjóstagjöfinni sem gengur annars vel. Mér datt helst í hug að eitthvað líkamlegt sé að valda þessu. Getur verið að einhver hormón myndist við brjóstagjöfina sem valda þessari vanlíðan? Ég hef aldrei heyrt um þetta frá öðrum konum og ég finn ekkert um þetta á netinu. Mér finnst ég vera svolítið ein í heiminum með þetta. Ég þori varla að segja þetta upphátt og tók mig smá tíma að viðurkenna þetta fyrir sjálfri mér.

 


Sæl og blessuð!

Þetta er vel þekkt fyrirbæri í brjóstagjafaheiminum. Það er rétt hjá þér að þetta er af líkamlegum toga og tengist hormónum. Margar upplifa þetta meira sem hálfgerða ógleði eða jafnvel bara meiriháttar ógleði. Það eru til dæmi um konur sem kasta upp við nánast hverja gjöf.

Þú getur reynt að prófa þig áfram með að borða eitthvað smá fyrir gjöf, maula piparmyntu eða brjóstsykur í gjöf eða drekka kalt te.

Vona að þetta hjálpi.
Katrín Edda Magnúsdóttir,
ljósmóðir og brjóstagjafaráðgjafi,
28. nóvember 2009.





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.