Spurt og svarað

15. september 2013

Varðandi Psoriasis á vörtubaugum

Góðan dag!
 Ég er með 11 mánaða strák á brjósti og er með psoriasis sem hefur verið að versna síðustu tvo til þrjá mánuði. Þegar hann var farinn að fá tennur lágu þær fast við vörtubaugana í gjöfum og ég er oft með tannaför eftir gjafir. Út af því álagi á húðina eru komnir psoriasis blettir á vörtubaugana. Það er samt eiginlega ekkert vont. Í svari hér á síðunni um psoriasis og brjóstagjöf (http://ljosmodir.is/?Page=FAQ&ID=2595&Cat=5#2595) segir að ef útbrot komi á vörtubaugana á brjóstagjafatímanum þurfi að grípa inn í með meðferð strax. Mig langaði bara að spyrja af hvaða ástæðu það er? Fyrirfram kærar þakkir.

Sæl og blessuð!
Ástæðan fyrir því að mælt er með meðferð strax er að á þessum tíma geta útbrotin stækkað og breiðst út nokkuð hratt og orðið til þess að ekki er hægt að halda brjóstagjöfinni áfram. Því er mælt með meðferð strax til að stöðva útbreiðsluna og varðveita brjóstagjöfina. Það hefur líka borið á þeim misskilningi að ekki sé hægt að halda brjóstagjöfinni áfram ef meðferð er hafin. Það er hins vegar vel hægt. Kremið er borið á 1-2 sinnum á dag og bara þarf að passa að gefa ekki brjóstið næsta hálftímann á eftir.
Vona að þetta gangi vel hjá þér.
Katrín Edda Magnúsdóttir,
ljósmóðir og brjóstagjafaráðgjafi,
15. september 2013.




Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.