Spurt og svarað

18. september 2008

Varðveisla næringarefna í brjóstamjólk

Sælar og takka fyrir afar fróðlegan vef.

Ef ég er að mjólka mig og veit að barnið mun drekka einhverntímann á næstu 4 klst. hvort er þá betra að geyma mjólkina við stofuhita þangað til barnið vill drekka eða stinga henni beint í ískápinn og hita upp þegar barnið vill drekka? Með hvorri aðferðinni varðveitast betur næringar- og mótefni mjólkurinnar?



Sæl og blessuð.

Ég myndi ráðleggja þér að hafa hana við herbergishita ef gefa á eftir 4 klst. eða minna. Þannig er hún ferskust og tapar minnst af eiginleikum. Um leið og farið er að kæla mjólk byrjar hún að tapa ýmsum eiginleikum og enn meira sé hún fryst. Það þarf samt líka að passa að nota réttar geymsluaðferðir ef um lengri tíma er að ræða til koma í veg fyrir skemmdir rétt eins og við aðra matvöru.

Gangi þér vel.                   

Katrín Edda Magnúsdótttir,
ljósmóðir og brjóstagjafaráðgjafi.
17. september 2008.





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.