Spurt og svarað

30. nóvember 2008

Verkir í geirvörtu

Halló!

Ég er að velta fyrir mér  verkjum í geirvörtunni. Þannig er mál með vexti að ég á 4 mánaða gutta sem er aðeins á brjósti. Núna nýlega hef ég fundið fyrir verkjum í annarri geirvörtunni þegar ég set hann á brjóstið. Hins vegar verkjar mig ekkert í hana þegar ég er ekki að gefa brjóst. Eruð þið með einhverjar hugmyndir um hver ástæðan gæti verið?

Kveðja. Gutta mamma.


 

Sæl og blessuð Gutta mamma!

Það er ekkert einfalt svar til við þessari spurningu. Það er nefnilega ýmislegt sem kemur til greina. Ástæðan fyrir verkjunum getur verið t.d. sveppasýking, falið sár eða sprunga í fellingu, mjólkurbóla á vörtutoppi,húðvandamál af ýmsum toga ofl.

Það er því sennilega best fyrir þig að leita til brjóstagjafaráðgjafa eða læknis til að fá skoðun og greiningu. Vonandi færðu svo viðeigandi meðferð í kjölfarið.

Gangi þér vel.
Katrín Edda Magnúsdóttir,
ljósmóðir og brjóstagjafaráðgjafi,
30. nóvember 2008.





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.