Spurt og svarað

05. júní 2007

Doppler

Sælar og takk fyrir frábæran vef.

Þannig er mál með vexti að ég er komin tæpar 17 vikur á leið og hef alveg frá upphafi verið rosalega hrædd við að missa fóstur, ég missti fóstur í haust og virðist sem sú reynsla hafi eitthvað sest á sálina á mér.  Ég pantaði mér því fetal doppler á netinu til þess að hlusta á hjartslátt fóstursins og hef gert það daglega síðan (ca. 4-5 dagar).  Nú langar mig til þess að spyrja ykkur hvort að það geti verið skaðlegt fyrir fóstrið að hlusta svona oft á hjarslátt barnsins með þessu tæki?

kv. Ein stressuð



Það er ekki gott að heyra að þú sért svona stressuð yfir þessu, en þetta er tímabil sem gengur yfir.  Þegar þú ferð að finna hreyfingar getur þú treyst á að þær segi þér hvort allt er í lagi.  En til að svara spurningu þinni þá er það, eftir því sem best er vitað, alveg hættulaust að hlusta á hjartslátt barnsins með doppler.

Gangi  þér vel

Rannveig B. Ragnarsdóttir,
ljósmóðir og hjúkrunarfræðingur.
5. júní 2007.

Komdu sæl



Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.