Spurt og svarað

01. febrúar 2009

Þyngdartap 10-15%

Sælar!

Af hverju mega nýfædd börn ekki léttast um meira en 10-15% af heildarþyngd sinni eftir fæðingu ef þau eru róleg og ekki með gulu? Hjá mæðrum er mjólkin stundum lengi að koma af stað. Ef þau eru dugleg að hanga á af hverju skiptir þetta þá svona miklu máli? Svo er farið að gefa staup/pela og fresta mjólkurframleiðslunni enn meira.


 

Sæl og blessuð.

Það er litið svo á að það þurfi að grípa í taumana ef barn léttist svona mikið. Að baki því liggja ákveðin rök. Þetta eru litlir kroppar og mikið þyngdartap getur boðið heim hættu  fyrir ýms líffæri. Það á hins vegar ekki að grípa inn í með staupi eða pela heldur á að grípa inn í með því að laga brjóstagjöfina. Það er hins vegar ekki alltaf gert því miður og þar má kannski helst um kenna vanþekkingu á brjóstagjöf. Það er oftast lítið mál að laga brjóstagjöf snemma en ef það dregst getur það orðið býsna snúið. Í sjaldgæfum tilfellum er auðvitað ástandið svo alvarlegt að grípa verður til þurrmjólkur.

Vona að þetta svari þínum spurningum.
Katrín Edda Magnúsdóttir,
ljósmóðir og brjóstagjafaráðgjafi,
1. febrúar 2009





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.