Spurt og svarað

11. febrúar 2009

Afbrýðisemi systkina

Góðan daginn.

Við vorum að eignast þriðja barnið okkar og svo virðist sem miðjustrákurinn, eins og hálfs árs, sé að missa sig úr afbrýðisemi.  Hann fær grenjuköst og er með leiðindi.  Vitið þið um gott lesefni yfir þetta?


Góðan daginn

Sennilega eigið þið bæklinginn að eignast systkin sem er gefinn út af Miðstöð heilsuverndar barna.  Þar eru ýmis góð ráð.  Þið getið nálgast þennan bækling á næstu heilsugæslustöð ef þið eigið hann ekki nú þegar.  Svo eru ýmsar uppeldishandbækur sem fjalla um þetta líka og hægt er að fá á bókasafni.

Hafið bara í huga að honum líður illa og þess vegna lætur hann svona.  Ef hann fær nægan tíma með ykkur (án litla barnsins), og næga ástúð lærir hann að treysta ykkur aftur.

Gangi ykkur vel

Rannveig B. Ragnarsdóttir,
ljósmóðir og hjúkrunarfræðingur.
11. febrúar 2009.





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.