Spurt og svarað

03. febrúar 2007

Barnið tárast

Sælar og takk fyrir frábæran vef sem hefur hjálpað mér mikið.

Ég er með eina mánaðar gamla og hún tárast svolítið mikið frá öðru auganu hennar. Augað virðist ekki vera rautt en það lekur nánast stanslaust úr því og það myndast einskonar stýrur.  Á ég að fara með hana til læknis strax eða er þetta eitthvað sem er meinlaust og líður hjá?

Bestu kveðjur, Anna.

 


 

Komdu sæl Anna og til hamingju með dótturina.

Sennilega stafar þetta af stífluðum táragöngum sem eru algeng hjá svona litlum börnum.  Þú getur hjálpað með því að nudda aðeins á mótum augnkróks og nefs og ættu þau þá að opnast en ekki fyrr en eftir nokkra daga eða jafnvel vikur.  Gott er að nudda nokkrum sinnum á dag t.d. alltaf þegar þú gefur brjóst.  Ekki þarf að nudda fast og gott er að nudda alltaf í sömu átt, niður nefið.

Gangi ykkur vel 

Rannveig B. Ragnarsdóttir,
hjúkrunarfræðingur og ljósmóðir.
03.02.2007.





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.