Spurt og svarað

24. janúar 2007

Bossakrem

Ég er með einn rúmlega viku gamlan gutta og hann er kominn með rauðan bossa og smá sár. Hvað má bera á svona mjúka og nýja bossa til að græða?

Kveðja, gurl.



Komdu sæl, og takk fyrir að leita til okkar

Húðin getur verið viðkvæm á litlum krílum og það besta er að halda bossanum þurrum og hreinum. Gott er að viðra bossann og láta loft leika um hann eins mikið og hægt er því bleian lokar húðina inni og er oftast rök. Þrífa hægðir strax svo ekki liggi neitt við húðina þá bara með vatni og svampi en forðast blautklúta, sem stundum innihalda ilmefni. Það gæti þurft að skipta um bleyjutegund. Nota hlutlaus krem og þá aðeins mjög þunnt lag. Ef húðin lagast ekki berðu það þá upp við hjúkrunarfræðinginn í ungbarnaverndinni þinni.

Gangi ykkur vel.

Kveðja,

Kolbrún Jónsdóttir,
ljósmóðir og hjúkrunarfræðingur,
24. janúar 2007.





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.