Ekki hægðir í 14 daga

29.08.2011

Hafið þið lent í því að 6 vikna gamalt barn hafi ekki haft hægðir í 14 daga og er eingöngu á BM? Læknir er búinn að líta á drenginn og kviður er mjúkur og drengur nokkuð rólegur. En hann rembist tiltölulega mikið yfir daginn sem og á nóttunni. Hver er ykkar reynsla... það er svo erfitt að bíða eftir næsta kúk!

Bestu kveðjur og þakka góðan vef,

áhyggjufulla mamman



Komdu sæl.

Já þetta gerist og ef barnið er bara á brjósti þarftu engar áhyggjur að hafa, kúkurinn skilar sér.  Þú getur reynt að örva þarmahreyfingar með því að "láta barnið hjóla" og nudda kviðinn í sömu átt og ristillinn liggur frá hægri til vinstri.

Kveðja

Rannveig B. Ragnarsdóttir,
ljósmóðir og hjúkrunarfræðingur.
29. ágúst 2011.