Spurt og svarað

27. apríl 2011

Eftirlit konu með meðgöngusykursýki

Hvernig er eftirliti háttað hjá konu með meðgöngusykursýki?


Komdu sæl.

Það er einstaklingsbundið og fer eftir því hversu góð sykurstjórnunin er.  Þegar kona greinist með meðgöngusykursýki fær hún venjulega viðtal við lækni, hjúkrunarfræðing og næringarfræðing á göngudeild sykursjúkra á LSH.  Hún fær mæli til að mæla blóðsykurinn sjálf og fær svo einn tíma í framhaldinu á Áhættumeðgönguvernd á LSH þar sem farið er yfir mataræðið og tölurnar yfir blóðsykurinn hjá viðkomandi konu.  Ef vel gengur getur hún þá haldið áfram venjulegri mæðravernd á sinni heilsugæslustöð.

Ef sykurstjórnun gengur illa og ef konan þarf að fara á Insúlin er hún venjulega í áframhaldandi mæðravernd á Áhættumeðgönguvernd Landspítalans.

Vona að þetta svari spurningunni.

Kveðja

Rannveig B. Ragnarsdóttir,
ljósmóðir og hjúkrunarfræðingur.
27. apríl 2011.





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.