GBS sýking (group b streptococcus)

22.12.2006

Langar að vita meira um streptokokka B sýkingu í leggöngum og hvernig hlutfallið er á lifandi fæddum án vandkvæða og dánum vegna sýkingar þrátt fyrir að sýklalyf hafi verið gefið móður í fæðingunni. Var að greinast með slíkt og er komin 24 vikur á leið og hef misst áður vegna annars konar sýkingar.  Finnst ekki gefnar of miklar upplýsingar sennilega til að vernda mann, en langar að vita sannleikann, vernd er bara blekking. Vinsamlegast gefið upplýsingar eða gefið upp síðu með fleiri upplýsingum um þennan kvilla og afleiðingar hans.


Sæl og takk fyrir að leita til okkar!

Hér á síðunni er svar við einni fyrirspurn um GBS sýkingu en þar sem ólíklegt er að það svari öllum þínum spurningum þá vil ég benda þér á að slá inn leitarorðið „group b streptococcus“ t.d. á Google og þá ættir þú að finna upplýsingar um það sem þig vantar. Þú ættir einnig að geta fengið svör hjá þinni ljósmóðir eða þínum lækni.

Vona að allt gangi vel hjá þér. 

Kær kveðja,

Anna Sigríður Vernharðsdóttir,
ljósmóðir og hjúkrunarfræðingur,
22. desember 2006.