Spurt og svarað

20. janúar 2015

6 vikur og blæðing

Ég er komin u.þ.b 6 vikur á leið og fór tvisvar í snemmsónar í síðustu viku, vegna þess að mér blæddi mjög mikið í um klukkutíma einn daginn, algjörlega án verkja. Svo hætti þetta álíka snöggt og það byrjaði. Kvensjúkdómalæknirinn taldi fyrst að ég væri að missa og að ég myndi fá frekari verki og blæða meira. Í seinni skoðuninni var hún ekki svo viss. Hún sá þá fóstursekk og mögulega nestispoka neðst í leginu, s.s. ekki alveg á réttum stað. Það hefur ekki blætt neitt meira og ég finn fyrir miklum togverkjum. Þekkið þið til þess að fóstur þroskist eðlilega ef það er staðsett neðst í legi? S.s. ekki á þessum hefðbundna stað? Læknirinn vildi segja sem minnst, þar sem þetta gæti farið á báða vegu. Eina sem ég vildi vita hvort það væri yfir höfuð möguleiki að allt sé eðlilegt undir þessum kringumstæðum?


Sæl og blessuð, jú það er möguleiki á að allt muni ganga vel en það er því miður ekkert sem hægt er að gera til að breyta útkomunni. Náttúran verður að hafa sinn gang. Eins og læknirinn þinn segir þá getur þetta farið á báða vegu. En semsagt það er bara tíminn sem leiðir í ljós hvernig þetta fer.

bestu kveðjur
Áslaug Valsdóttir
ljósmóðir og hjúkrunarfræðingur
20. jan. 2015





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.