Spurt og svarað

22. desember 2009

Heimsókn um jólin

Sælar kæru ljósmæður

Ég á að eiga eftir viku, 12. desember, og er að velta því fyrir mér hvað það er æskilegt að hafa börnin lengi innandyra? Það fer auðvitað eftir aðstæðum, heilsu o.s.frv - en spurningin mín er: Ef við foreldrarnir treystum okkur til og nýfæddri dóttur okkar heilsast vel, er þá "í lagi" að fara og eyða aðfangadegi með fjölskyldunni (4 fullorðnir, 2 börn) þegar litla er aðeins 10-14 daga gömul?  Eða er bara algjört rugl að fara með þau út úr húsi yfir höfuð svona til að byrja með?

Kærar jólakveðjur,Vala

 


 

Komdu sæl Vala og fyrirgefðu hvað svarið berst seint. 

Eins og þú bendir á er þetta alltaf matsatriði, en ef allt er í lagi með barn og móður ætti að vera í lagi að eyða jólunum með fjölskyldunni.

Helstu atriði sem þarf að passa eru auðvitað að barninu verði ekki kalt á ferðum þess milli húsa, að ekki séu kvefaðir einstaklingar í kringum barnið og að fá alla til að þvo sér vel um hendur áður en þeir koma við barnið.

Jólakveðja

Rannveig B. Ragnarsdóttir,
ljósmóðir og hjúkrunarfræðingur.
22. desember 2009.





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.