Spurt og svarað

24. ágúst 2005

Hiksti hjá nýbura

Sælar ég var að velta því fyrir mér, ég á 11 daga gamalt barn sem fær alltaf hiksta þegar hann er búinn að drekka, hann var líka alltaf með hiksta þegar ég gekk með hann. hann er fæddur eftir rúma 35 vikna meðgöngu. Er þetta eðlilegt eða er þetta eitthvað sem ég þarf að hafa áhyggjur af?

.......................................................

Sæl og blessuð og til hamingju með barnið!

Hiksti hjá nýbura er alveg eðlilegur og börn sem hafa hikstað mikið í móðurkviði hiksta einmitt oft meira en önnur börn eftir að þau eru fædd. Það er ekkert óeðlilegt við þetta og yfirleitt vaxa þau upp úr þessu á fyrstu mánuðunum.

Bestu kveðjur,

Halla Björg Lárusdóttir,
hjúkrunarfræðingur og ljósmóðir
23.ágúst 2005.





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.